Wczora na Gduńsczi Pòlitechnice bëło wiôldżé zéńdzenié zajinteresowónëch przińdnotą Pòmórzégò, a òsoblëwie Kaszëb i Kaszëbów. I Pòmòrsczi Òbiwatelsczi Kòngres na Gduńsczi Pòlitechnice - „W stronę wspólnoty regionalnej”– ju same tematë wskôzëwałë, że mdze cekawie, m jin. „Dialog drogą do budowy pomorskiej wspólnoty regionalnej”, Dlaczego potrzebujemy wspólnoty regionalnej – jak ją budować?”, „Przesłanki sukcesu rozwoju regionalnego regionów w UE”, „Pomorze w oczach młodego pokolenia”. Sygnalizowałë òne, że problemë są znóné i że chcemë ò nich kôbic. Widzec bëło, że bëlë téż tacy, chtërny chcelë tegò wësłëchac i jak wiedno ... zafelało czasu na diskùsëjã.

Tematë wëwòłóné, chto miôł co pòwiedzec, pòwiedzôł i na tim kùńc. Terô mëslëta nad tim, co Wôżny Lëdze pòwiedzelë i ... No co i ... I róbta co chceta. W kùluarach, abò za biną, bò na Pòlitechnice ni ma bùten – wszëtkò je pòd dakã, kôrbiło sã, że dlô naju ni ma aùtoritetów, ani Miłosz, ani Jezorańsczi ani Jan Paweł II nam do rozëmù ju nie przemówią.

A czë më mómë elitã, czë më chcemë prowadzëc dialog – kôrbionkã, czë më chcemë dzejac razã, dlô kògò je samòrząd, dokądka jidze dzysdniowô edukacëjô, czëmù je migracëjô, dze je naju kùltura, gòspòdarka i przińdnota?

Të wszëtczé zagadnienia w codniowòsce jô widzã, no mòże nié czôrno, ale za górama, we gãsti dôce i w głãbòczim dole, prosto gôdac – ni ma jich widzec. Le wiôldżi dzejowi wiater mòże to wszëtkò przenëkac. Mòże znôw mùszi stąpic Dëch Twój i òdnowic òblicze zemi, téj zemi?