Ùmarł Jan Własniewsczi, jeden z nôwikszëch kaszëbsczich chòreògrafów. Latos fejrowôłbë 60 – lecé artisticzné robòtë.
Własniewsczi usadzony mô chòreògrafije do cziledzesąt kaszëbsczich tuńców, wespółrobił midze jinyma z karnã piesnie a tuńca Neptun z Gduńska, z karnama Serakòjce a Kaszuby z Chòniców.
Béł jednym z nôbarżi zasłużonëch znajôrzów kaszëbsczégò fòlklora, ùcził sã kòl fòlkloristë Paùla Szefczi.
Do strëmiannika latoségò rokù Jan Właśniewsczi béł chòreògrafa karna Bazunë z Żukowa. Po cãżczim a dłudżim chòrzenim ùmarł w bòlecë Mediczny Akademije w Gduńskù. "To je nieòdżałowónô strata dlô nas "– gôdelë Robert ë Rafał Reglińsczi z karna Bazunë. "Wasta Jan béł wëmagającym chòreògrafã, le niżódné karno, bez niegò richtowóné ni mùszało sã sromac na binie" – dodôwele.
Jak da do wiédzë familëjô zmarłégò, pògrzeb bòdôjno mdze we strzodã.