16 séwnika 2007 rokù, ò gòdzënie 13.30 w chwaszczińsczim kòscele òdprawionô òsta kaszëbskô mszô swiãtô. Tą razą dzél spiéwóny i czëtóny wzãlë na sebie dzejôrze przëparafialnëch mòdlëtewnëch karnów i krãgów familiów. Na akordionie towarził Marian Jażdżewsczi. Mszą kòncelebrowelë ksãża: probòszcz Czesłôw Jakùsz- Gòstomsczi (chtëren czëtôł pò kaszëbskù Ewanielią) i wikary Michôł Swiéczkòwsczi.
Na mszi bëlë gòsce z jinëch parafiów, m.jin. z Lëzëna.
Tuwò, w Chwaszczënie...
comiesãczné zéńdzenia z kaszëbsczim słowã w lëturgii rëchtowóné są przez wiãcy 100 lëdzy, co dzejają w pôra karnach. Je to téż jedna z nié za wiele parafiów, dze je spiéwóné colemało leno pò kaszëbskù (na mszą tłumaczoné i pisóné sa nowé dokazë).
Òbczas mszi spiéwóné bëłë:
1. Ò Marijo, Matkò Swiãtô (M. Selin)
2. Mariji dobra séw (E. Prëczkòwsczi, T. Fópka)
3. Niebnô droga (E. Prëczkòwsczi, W. Kirkòwsczi)
4. Chwaszczińskô Pani (K. Jastrzãbsczi, T. Fópka)
5. Kaszëbskô Królewô (J. Trepczik)
Przed mszą rozdóné bëłë zsziwczi i kôrtczi z pòtrzébnyma tekstama.
Rujanową mszą (21.10.2007, gòdz. 13.30) zrealizëje Karno Stolem z Chwaszczëna. Na tã leżnosc szëkòwónô je „Kaszëbskô Mszô” - dokôz mùzyczny niedôwno napisóny (dzéle: Kyrie, Gloria, Credo, Sanctus, Benedictus, Pater Noster, Agnus Dei).
Bądzta z nama!