Nowinë dnia:
1. Finansowi zwësk dlô kaszëbsczich gminów ë bezpiek użëtich technologie - to dwie nôbarżi zajimającé samòrządzënë kwestie tikającé pòwstanié jądrowi elektrownie w Kraju Kaszëbów. Dzys w Pùckù dlô samòrządôrzów zrëchtowónô bëła w ti sprawie kònferencjô.
2. Kòl mëliona złotëch mni niżle łoni wpłëniãti mô latos do bùdżeta gminë Szemôłd z titla pòdatków òd mieszkeńców. Nôbarżi, bò ò 40% zmiéjszoné je òbrócënk nierësznotama - pòdôwô Ùrząd Gminë. Lëdzom żëje sã corôz gòrzi gôdô môlowi szôłtes Zdzysłôw Pòlaszk.
3. Kaszëbsczima dëchoma mdze zaczarowëwa turistów gmina Lëniô. Ju niedługò we wsach gminë stanie 13 wiôldżich drzewianëch pòstacëjów - dëchów.
4. Gbùrze w Kraju Kaszëbów corôz barżi są podjimné a moderné. Za 300 tësącé złotëch, dzãka udëtkòwieniémù z Unije, Jón Kroplewsczi z gminë Brusë wëmienioné mô wiôldżi dzél gbùrsczégò sprzãtu. Nowi treker je np. mòderniészi od autoła: mô klimatizacëjô, rékorder CD a jiny...
Klëkã òdsłëchac jidze na jinternetowi starnie www.radiogdansk.pl