W sobotę mijô 4. roczëzna smiercë ks. prałata Hilarégo Jastaka, zwónégo Królę Kaszëbów. Ksądz Jastak z Koscérzënë béł dëchowim prowôdnikę żôłnérzów Krajewi Armije ë Szarëch Szeregów ob 2. Swiatową Wojnę...

W sobotę mijô 4. roczëzna smiercë ks. prałata Hilarégo Jastaka, zwónégo Królę Kaszëbów. Ksądz Jastak z Koscérzënë béł dëchowim prowôdnikę żôłnérzów Krajewi Armije ë Szarëch Szeregów ob 2. Swiatową Wojnę. Ob czas PRLu dzejôł aktiwno jakno direchtór gdińsczégo CARITAS ë béł zdrëszony z opozycëją. Dzęka jego staróm ostôł wëbudowóny we Gdini koscół Nôswiętszégo Serca Pana Jezësa. To wszëtko sę nie widzało władzóm, ë bez to béł dërch uscegowiony. Umarł mającë 85 lat. Mszô sw. za ksędza mdze witro, w sobotę o godz. 16:30 w dolnym koscele Nôswiętszégo Serca Pana Jezësa we Gdini.

Wicy? Słëchôj kaszëbsczi wëdowiedny audëcëje codzéń o 5:45 reno w Radio Gdańsk (103,7 MHz)!