14 stëcznika, w Kaliszu òdbëła sã òglowòpòlskô promocëjô mòjégò zbiérkù eroticznëch wiérztów "Szlachama kùsków".
Pôradzesąt direchtorów szkòłów, szkólnëch z całi Pòlsczi- słëchińców Studium Menedżerów Òswiatë z zacekawienim wësłëchało deklamacëjów. Wiérztë gôdôł m.jn. wicedirechtor liceji w Kùtnie. Bëła to cãżkô próba dlô absolweńta krakòwsczégo Jagiellońsczégò Ùniwersytetu.

- Donechczôs më bëlë ùczony, że kaszëbizna je dialektã- gôda szkólnô z Radomia- tak nama prawie prawilë na dialektologii. -Proszã ò dedikacją dlô mòji białczi, chtërna pòchòdzy z Kaszëb - napiszce- "na wdôr rodnëch strón"- prosył jeden z profesorów. Mój direktor je Kaszëbą- gwësno sã ùceszi z taczégò darënkù- rzekła szkólnô ze Słëpska.

Przë leżnoscë przedstôwiony òstôł nônowszi kaszëbsczi spiéwnik "Piesnie rodny zemi". Czile słów bëło rzekłé téż ò kaszëbsczi mùzyczny rësznoce- w całoscë ò Pierszi Kaszëbsczi Pasji.

-Snôżé malënczi, ale jãzëk nie do zrozmieniô- dodôł direchtor z Gryfina kòl Szczecëna- kò òn mô krodzy do słowacczégò, czë serbsczégò jak do pòlsczégò!

Pòsobné aùtorsczé zéńdzenié z "Kùskama" rëchtowóné je na 7- gò strëmiannika, w Kniewie kòl Wejrowa.

Tómk Fópka