Òb czas piątégò "Spotkania na Gochach" w Tëchómiu szkólnô Wanda Czedrowskô dała nama do wiédzë, że w nôblëższi wtórk, 22 smùtana ò pół piąti pò pôłnim (16.30) w Szlachetny Kamiéńcë òdbãdze sã zéńdzenié szkólnëch zrzeszonëch w stowarze "Remùsowé drësze", na jaczé rôczi wszëtczich zajinteresowónëch témą ùczeniégò kaszëbszczégò jãzëka.
Téż w Tëchómiu jinô szkólnô, Fela Baska-Bòrzeszkòwskô rôcza naji na czwôrtk, 24 smùtana do Lëpùsza - w henëtnym Gminnym Westrzódkù Kùlturë, Spòrtu a Rekreacje ò szósti pò pôłnim (18.00) zacznie sã "Rozmòwa Pòlôcha z Kaszëbą" napisónô bez Cenôwã, a na binã przëszëkòwónô bez Felã.
Kôrbic bãdą ùczniowie szkòłów z Lëpùsza.