W Pùckù kòle Òglowòsztôłcącégò Liceùm naczãto bùdowac spòrtową halã. Òb czas robieniô wëkòpów òstałë nalazłé szczątczi lëdzy pòchòwónëch na tim placu w XIX stalatim. Do 1880 r. bél w nym môlu smãtôrz.
Czekawòstką je to, że w jednym grobie nalazłô òsta metalowô tabaczéra. Swiôdczi to ò tim, że zwëk wkładaniô w zark ùmarłémù jegò ùlubionëch zemsczich rzeczi, w tim tabaczér, béł w nym czasu tj. w pòłowie XIX stalata, praktikòwóny. Nót je przëbôczëc, że nen zwëk, je jesz żëwi do dzys dnia.
RD