19 czerwińca, ò gòdz. 13.00, w chwaszczińsczim kòscele òdprawionô òsta przez ks. Prob. Czesława Jakùsz- Gòstomsczégò kaszëbskô mszô.
Kòżdô, pòsobnô mszô rëchtowónô je przez jinszé karno dzejającé w Chwaszczënie. Tą razą béł to Krąg Familiów z Chwaszczëna.
Na òrganach towarzył Marian Jażdżewsczi.
Òbczas mszi swą premierã miała piesnia marijnô "Jedna droga"- tekst Eugeniusz Prëczkòwsczi, mùz. Tomôsz Fópka.
Béł to pôsobny dokôz muzyczno- lëteracczi stwòrzony z leżnoscë kaszëbsczich mszów swiãtëch w Chwaszczënie.
Dzãkùjã Wszëtczima, chtërny pòmòglë w rëchtowanim kaszëbsczégò dzéla mszë, w całoscë W.W. Teresé i Marianowi Jażdżewsczima, ù chtërnëch òdbiwałë sã próbë.
Pół gòdzënë przed mszą, dlô chãtnëch bëła ùczba czëtaniô kaszëbsczich mòdlëtwów i spiéwaniô piesni. Rozdóné òstałë pòtrzebné tekstë.
Tomôsz Fópka