W séwnikù rëgną pierwszé kùrsë jãzëka kaszëbsczégò zrëchtowóné bez Kaszëbskò-Pòmòrsczé Zrzeszenié i Akademiã Zawòdowégò Sztôłceniô. Do gòdnika 2006 przeszkòlonych mdze 200 sztëk zatrudnionëch lëdzy z rozmajitich krézów Kaszub.



Ùdba nych kùrsów òsta pòdskaconô bez ùstôwk dający mòżlëwòtã wprowôdzeniô do ùrzãdów kaszëbsczégò jakno pòmòcniczégò jãzëka. Wiele lëdzy znô tã mòwa baro dobrze, ale leno w gôdce, bò rodny pisënk znaje baro mało Kaszëbów. Terô je mòżlëwòta nôuczi gôdczi, czëtaniô i pisënkù dlô tich, co szkòłowé lata mają ju dôwno wek. W kùrsach mòże wzãc ùdzél kòżdi, nié blós ùrzãdnik, jaczi je zatrudniony (to znaczi nie je bezrobòtny) i mësli, że lepszô znajemnota kaszëbsczégò mòże pòmòc mù w brzadniszi robòce. Nie trzeba znac nawetka pòdstawów negò jãzëka, bò jeżlë kòmùs sã òn baro widzy, a je brëkòwny, to téż mòże sã zgłosëc.

Na spòdlim wstãpny anketë mdze ùtwòrzonych 25 karnów pò òsem sztëk lëdzy w kòżdim. Dzãka temù spòtkania mdą téż na wsach; tam, gdze bãdą chãtny.

Więcej (w tym kontakt) w "Nordzie", dodatku do "Dziennika Bałtyckiego" w najbliższy piątek, 19 sierpnia

Iwona Mejer