A dze je napisóné, że zdanie brëkòwników nie je wôżné? To zdanie òznôczô, że brëkòwników a robòtë je dosc tëli, a do robòtë le dwóch. Nie je mòżlewé wprowadzenié w żëcé wszëtczégò co bë brëkòwnik chcôł, bò chto bë to nibë miôł zrobic? Prôwdã je to, że taka a nie jina klawiatura òsta zaakceptowónô jakò domëszlnô dlô Linuksa, bò taką brëkùjemë, leno nicht sã nie zgłosëł, a rôczbë do wespółrobòtë mómë wësłóné (czë to tuwò, czë mailowò do jedny òsobë, czë na starnie www.linuxcsb.org), żebë zrobic lopczi dlô jinëch! Bôczë, że to nie je robòta za dëtczi, a dobrowòlnota. Prostô sprawa, chcesz cos miec to nacznij to robic.

Skądka wiész, że projekt nié mô zrobiony analizë? Kòżdi part locale ë kòżdé pòłożenié klawisza w klawiaturze òsta przediskùtowóné ë òpisóné, na różnëch fòrach. Robòtë nad kaszëbsczim dolmaczënkã téż nie są krajemnotą, leno nicht(!) nie zgłosëł niżódnëch bôczënków (a wiadło ò tim bëło na téż ti starnie). Téj nen twòj argùment ò felënkù kònsultacëji trzëmóm za czësto falszewi. Chca bë so nawetka rzec, że przed napisóniém tekstu wôrt je dowiedzëc sã ò czim so pisze. Nie rozmiã partu ò bòrziszkòwscziznie (to do naju?), to jak mô wëzdrzëc kònsultacëjô? Móm do ce czë jinëch personalno napisac, żebë zgłoszëwac bôczënczi do naju robòtë, czë jak?

Windows nie je wôżny czë że gò nie lëdómë - to znowa nie je prôwda. To nie ma jidzema pò nômniészi linie òpòru, kò to ma mómë dbã, żebë nen "sztandard" móc wprowadzëc do wszëtczéch systemów a nie le blós do jednégò. Stãdka niezgòda na € w môlu Alt+U, bò za wiele problemów to mdze robiło przë sztandarizowanim jinëch systemów, a doch jidze ò to, żebë zletczëc nã robòtã ë żebë wszëtkò bëło tak samò.

Co do tegò, bë RKJ òrzekła co mô bëc domëszlné a co òpcjonalné - to fejn, bò ò to nama szło, żebë nie zabëc ò alternatiwie. Wedle naju klawiatura pl-csb je lëchô, co nie òznôczô, że nie mòże bëc promòwónô bez taczé czë jiné karno lëdzy.

Jak dlô mie ta diskùsëjô je zamkniãtô, to co jô chcôł napisac to je ju napisóné:
1. klawiatura jaką promùje naje karno to kalwiatura csb
2. nie jesma procëm klawiaturë pl+csb, leno żebë wprowadzëc ją do jinëch systemów nót je rëmnąc info ò € (żebë miec jeden sztandard)
3. do wskôzów nót/fejn je dodac wicy wëdowiédzë ò tim co mùszi so nalezc w locale
4. rôczimë do wespólrobòtë a za tim jidze mòżlewòta cëskù na to co mdzë wëstrzódka systemë, kò nigdë nie mdze tak, że jakò dobrowòlnice bãdzemë mielë czas na wszëtkò, mómë téż jiné robòtë, białczi, dzecë, hobby, projektë...
5. célã robòtë je kaszëbskô wersëjô systemë, a do tegò nót je czile jinych rzeczów (locale, klawiatura), jaczé òstałë wprowadzoné do Linuksa, tak jakno trzëmómë za nôlepszé dlô ti systemë dlô jaczi robimë. Nie widzã dlôczë móm robic cos co nie je mie nót do dolmaczënkù (bôczë, że do kùńca skaszëbianiô je pò prôwdze jesz dalëk ë dlô kòżdégò infòrmatika - co chòba wiész - nôwôżniészi je ùsôdzony plac do robòtë ë kòżdi robi pòd se),
6. nie jesma infòrmatikama, nają przédną robòtą je dolmaczënk, wszëtkò co pòwsta wkół tegò, je dodôwną sprawą
7. letkò jidze skritikòwac robòtã, drãgò je dac sensowny bédënk czë zrobic cos dlô projektu

Motto
Chcesz cos miec? To biéj do robòtë!