Móm wrażenié, że nie rozmiejesz sensu ti diskùsje, abò przënômni rozmiejesz gò czësto jinaczi jak jô.
Wedle mie takô diskùsja prowadzy (a przënômni pòwinna prowadzëc) do ùstaleniô wëspólnégò zdaniô. W procemnym przëtrôfkù ni mô sensu niżódné òrzeczenié RKJ ani niczegò jinégò, skòrno dali mdze kòżden robił sobie a mùzóm.
Przë rozbieżnoscë òpiniów nót je wëpracowac kònsensus (stôrokaszëbsczé słowò ;) ). Żebë do te doszło mùszą bëc przedstawioné argùmeńta, chtërne zdeplasëją wszëtczé jiné òptacëje, abò môłima ùstãpstwama twòrzi sã co trzecégò.

Co do argùmeńtów, to jesz rôz pòdsztrëchiwóm, że nie widzã niżódny prakticzny zmianë sytuacëje òd 2002 rokù.
Argùmeńt ò wiãkszi logicznoscë je baro słabi, bò do cze kòmù rzecz nôbarzi logicznô, ale bezùżëtecznô.
Przełożenié na wszelejaczé òperacyjné systemë to sprawa niszowô.
Pisanié ò czasu na przënãcenié, to je "argùmeńt" na sëłã, bò mòże gò òbrócëc w kòżdą stronã.
Co do nieblokòwaniô skrócënków w programach, to czësto bezzasadny argùmeńt, bò cëż to za program, co do òbsłudżi ùżiwô Alt-kòdów.

Co do argùmeńtu w drëgą stronã to je blós jeden, ale mòcą bijący wszëtczé jiné na głowã: nawetka tak pòbieżnô analiza specyficzi brëkòwników, jak przedstawionô beze mnie wëżi, pòkazywô, że je to rozwiązanié ùżëteczné.
Mógłbë do te dorzucëc jesz czile drobiazgów, ale òne wszëtczé òpiérają sã na tim samim.

Jedurnô sprawa jakô nie je jednoznacznô, to kwestia ù i euro. Drãgò tuwò wërokòwac jak sã systuacja rozwinie, a òd te to zanalégô. Wedle mie nôbarzi prawdopòdobny scenariusz je taczi: za czile lat Pòlska wléze do strefë euro i miasł w zł Kaszëbi mdą liczëlë w euro. Jakno, że przëtłocziwającô wiãkszosc lëdzy ùżiwô Windowsów symbòl swòji walutë mdą òni mielë pòd Alt+U. Jeżlë tej chto mdze chcôł napisac pismiono do ùrzãdu gminë (csb), to mdze miôł eùro pòd Alt+3, a zôs do wòjewódzczégò ùrzãdu (pl) pòd Alt+U, to mdze to baro niewigódné.
No prawei, że mdze pisôł "euro". Jak je w krajach np w Niemcach czë jinych krajach z ùżiwanim symbòlu ti walutë?