Ju w séwnikù w radio ùczëc bądze mòżna 16 nowëch, kaszëbsczich piesniów ò tematice biesadny.


Ùdba biesadnégò projektu chòdza za mną òd dôwna. Udało mie sã namówic do współdzejaniô Jerzégò Stachùrsczégò, z chtërnym robimë piesnie òd pôra ju lat. Jerzi, z jegò ògromnym doswiôdczenim je téż baro rëszny, żlë jidze ò terminowòsc pisaniô i dżibczi, jeżlë jidze ò fòrmã i charakter mùzyczi. Wiele jegò melodiów je kaszëbsczima szlagroma, chòcle òstatno „Kaszëbë, Kaszëbë” z tekstã Genka Prëczkòwsczégò. W tim przëtrôfkù chòdzało ò czësto nowi zort. Pòtkelë jesmë sã i przegôdelë mòdło realizacjë. Ustalëlë jesmë czerënczi i tematë. Jerzi pisôł nôprzódka melodie, swôł mie je mejlã- pòtim pisôł jem do nich słowa i zesôdzôł razã z mùzyką. Przez dwie niedzele pòwstałë w ten spòsób 22 piesnie.
Mòglë jesmë twòrzëc, bò chùtczi zajinteresowôł jem ną ùdbą dobrzińca, Browar „Amber” z Bielkówka. Radio „Kaszëbë” wzãło na se medialną promocją a „NorthStudio” z Pôłczëna- produkcjã.
Kòmisyjno z nëch 22 sztëczków do nagraniô zakwalifikòwónëch òstało 16. Jiné kąsk òdbiégałë charakterã.
Dërchają próbë i nagrania. Tadeùsz Korthals robi aranżacje a zaspiéwią znónë, kaszëbsczé karna wieselné, chtërne na co dzéń taką mùzykã grają.
Premiera je szëkòwónô na 16 séwnika, òbczas wiôldżi jimprezë browaru „Amber”- „Bielkòwsczich Kózlôków”.

Nastãpny projekt, przë chtërnym zabédowôł jem współprôcã J. Stachùrsczémù i G. Prëczkòwsczémù- to projekt kabaretowi. Parôt je ju wiãcy jak dwadzesce piesniów. Pòtrzébny pilno dobrzińc...
Ò chùtcziszich ùdbach: http://www.naszekaszuby.pl/modules/news/article.php?storyid=1212 ; http://www.naszekaszuby.pl/modules/news/article.php?storyid=1129 : http://www.naszekaszuby.pl/modules/news/article.php?storyid=1035 : http://www.naszekaszuby.pl/modules/news/article.php?storyid=162. : http://www.naszekaszuby.pl/modules/news/article.php?storyid=760 ; http://www.naszekaszuby.pl/modules/news/article.php?storyid=595 ; http://www.naszekaszuby.pl/modules/news/article.php?storyid=541 ; http://www.naszekaszuby.pl/modules/news/article.php?storyid=510 ; http://www.naszekaszuby.pl/modules/news/article.php?storyid=485 ; http://www.naszekaszuby.pl/modules/news/article.php?storyid=78 i http://www.naszekaszuby.pl/modules/news/article.php?storyid=1215 .

Tekstë piesniów biesadnych (i jinych): http://www.naszekaszuby.pl/modules/newbb/viewtopic.php?viewmode=thread&topic_id=88&forum=1&post_id=559#559

Miłégò słëchaniô!!!
Tómk Fópka