Kaszëbsko-Pomorsczé Zrzeszenié wëdało oficjalné stanowiszcze procëm włączeniému powiôtów słëpsczégo, człochowsczégo, lęborsczégo ë bëtowsczégo do udbónégo nowégo województwa.

Kaszëbsko-Pomorsczé Zrzeszenié wëdało oficjalné stanowiszcze procëm włączeniému powiôtów słëpsczégo, człochowsczégo, lęborsczégo ë bëtowsczégo do udbónégo nowégo województwa. "Przeprowadzenié taczégo podzélu bë spowodowa nienormalną sytuacëją, nié do lëdaniégo przez kaszëbską spolëznę" - osta napisóné w oswiôdczenim. Na skutk samorządowi reformë z 1998. roku, choc Kaszëbi nalézlë sę w jednym województwie, nie ostôł stworzony dosc bëlny system samorządnoscë - ti dbë są przédnice Zrzeszeniégo. Kaszëbi ceszą sę z bëcégo w jedny adminystracyjny obéńdze, czego wërazę są coroczné Zjazdë na zôczątku lëpińca. Procëm nowému województwu są téż dzejarze pomorsczich prawicowëch partów: Lëdżi Polsczich Rodzënów, Unije Politiczi Realny ë Prawo ë Sprawiedlëwota. Ti zarzeszëlë we Słëpsku komitet procëm westrzédnopomorsczému. 17. województwo je procëm jintegracëji bënë pomorsczégo województwa, co je jednoznaczné z opoznienim niezbędnëch gospodarczich procésów - taczi dbë je Robert Strąk, poseł LPR. Wôrt je przebaczëc, że ze 140 tës. podpisënków pod złożoną w kuńcu roku w Sejmie udbą 17. regionu, le 28 tës. je ze słëpsczi obéńdë.

Wicy? Słëchôj reno o 5:45 "Klëczi" - Kaszëbsczi Wëdowiedny Audëcëjë w Redio Gduńsk (103,7MHz)!