Za dwa dni zaczinô sã strëmiannik - latos jeden z nôwôżniészych dlô Kaszëbów miesãców (abò jak to gôdają w Jastarni ksiżëców).




Przed nama weekendowi Dzéń Jednotë Kaszëbów z wiôldżima rozegracëjama we Gdùńskù ë Słëpskù, a pózni Narodowy Spis Powszechny 2011 , chdze mdzemë mòglë pòkazac naszą kaszëbskòsc.
Do negò spisenkù nót je sã przërechtowac, chòcbë przez jinformacyjną akcjã wëstrzód strzédnégò ë starszégò pòkòleniô. Kąsk wiãcy ò tim napiszemë kòl 10-15 strëmiannika. Planujemë akcjã z lëcónkama - przëdô sã kòżdi chãtny do pòmòcë [kòntakt na naszekaszuby@gmail.com].

Krótkò je do DJK. Ju jô bë chcôł rôczëc wszëtczich „zasobòwców” na kaszëbską paradã we Gdùńskù, w sobòtã 19 strëmiannika ò 2 pò pôłnim. Mdzemë szlë òd szlachòtë Swiãtopôłka pòd Artusowi Dwór. Proszã wząc ze sobą gwizdczi - nót je, żebë nas bëło nie le widzec, ale ë czëc! (Mest chto mô jinszą ùdbã). Lëdzy, chtërnym mdze jesz mało, rôczã w niedzelã do Słëpska na akòrdionowé bicé rekòrdu - mòże tą razą przede wszëtczim z kaszëbsczima fanama. Zróbmë Słëpsk czôrno-żôłti!

Móm nôdzejã, że za jaczis 2-3 tidzenie téż naszô starna ùkaże sã w nowim òbleczenim... I òno mdze sã Wama widzało

Jerk