W piątk o 5. po pôłnim w Tawernie Mestwin na szasëji Straganiarsczi we Gduńsku mdze promocëjô ksążczi "Legenda o pustelniku" Lecha Bądkowsczégo a téż "Obowiązku prôwdë" - sztërzëch rozmów z nym publicystą ë pisarzę przeprowdzonëch przez znónëch gazétników z Pomorzô. Słowo wstępné wëgłoszą Edmund Puzdrowsczi ë Tadeusz Bolduan.


A witro - w sobotę - w Rëmi w goscyńcu Falton mdze wëlowanié Miss Kaszëbów. Biliet kosztëje "le" 100zł, a zôczątk o 19.30. W niedzlę zato o 2. godznie zaczną sę w Ostrzëcach kol goscyńca "U Stolëma" mésterstwa "kaszëbskô szlupa". Chętny mdą moglë zdac przë leżnoscë egzemin na nen osoblëwie kaszëbsczi pojôzd, pojezdzëc saniama abo briczką a téż posłëchac kaszëbsczi muzyczi. Téż w niedzlę o 6. po pôłnim, czej kaszëbskô szlupa mdze sę ju kuńczëła w Sztudérsczi Radiowi Agencëje www.sar.pg.gda.pl ostónie wëemitowónô drëgô ju kaszëbskô audëcëjô autorstwa Agnésë Bradtke pod titlę "Domôcé zwęczi".

Wicy? Kaszëbskô Klëka codzéń o 0:15 ë 5:45 w Radio Gdańsk (103.7 MHz)